Capouchoun
Arisarum vulgare
Araceae
Àutri noum : Calèu, Figuieroun.
Noms en français : Gouet à capuchon, Capuchon.
Descripcioun :Lou capouchoun trachis en group, bonodi soun rizoumo, dins li relarg pulèu safranous proche de la coustiero. En deforo se vèi en liò. Li fueio an un long pecou. Flouris l'autouno e l'ivèr dins uno meno de fuioun en formo de capuchoun.
Usanço :Li tubercule soun manjadis après lis agué fai bouli dins mant'uno aigo. Pamens la planto caup de sapounino empouisounanto e n'en fau s'en mesfisa, fai proun bóumi (emetico).
Port : Erbo
Taio : 3 à 30 cm
Fueio : basalo
Tipe bioulougico : Geoufite
Cicle bioulougico : Planto renadivo
Gènre : Arisarum
Famiho : Araceae
Ordre : Alismatales
Coulour de la flour :
Petalo : ges
Ø (o loungour) enflourejado : 2 à 4 cm
Flourido :
Autouno - Ivèr
Sòu : Si
Autour basso e auto :
Pancaro entresigna
Aparado : Noun
Remarco : Planto de coustiero
Liò : Terraire safrous
- Garrigo
- Roucas
- Éusiero
Estànci : Termoumediterran à Mesoumediterran
Couroulougi : Estenomediterrano
Ref. sc. : Arisarum vulgare O.Targ.Tozz., 1810
Òrdi
Hordeum vulgare subsp. distichon
Poaceae Graminaceae
Àutri noum : Ouèrdi, Uèrdi, Uèrgi, Uerge.
Nom en français : Orge à deux rangs.
Descripcioun :L'òrdi, eici un òrdi emé dous rèng, se vèi dins li culturo o quàuquis annado à l'après dins lis erme que se pòu samena tournamai soulet. Vèn de la seleicioun
d'à cha pau, d'uno meno d'Africo e d'Asìo que ié dison Hordeum vulgare subsp. spontaneum . Se recounèis à sa longo barbo, si flour esterlo sus li coustat e à sis auriheto à la baso di limbo de fueio sènso péu.
Usanço :L'òrdi èi subretout cultiva dins l'uba de Franço, e di païs veisin, pèr faire de biero. Se n'en servèn peréu pèr abali lou bestiàri. "Samenarès l'uerge que voudrès, ma al garre(t) retournarès, (Sant-Estève -06- J.-L. Domenge in LMT, op.cit. p. 219).
Port : Grando erbo
Taio : 50 à 100 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Gènre : Hordeum
Famiho : Poaceae
Famiho classico : Graminaceae
Tribu : Triticeae
Ordre : Poales
Coulour de la flour :
Verdo
Petalo : ges
Ø (o loungour) enflourejado : 8 à 20 cm
Flourido : Printèms
- Estiéu
Sòu : Ca
Autour basso e auto : 0 à 1000 m
Aparado : Noun
Jun à juilet
Liò : Culturo
- Ermas
Estànci : Subremediterran à Coulinen
Couroulougi : Óurigino Africo-Èst
Ref. sc. : Hordeum vulgare subsp. distichon (L.) Körn., 1882
(= Hordeum distichon L., 1753 )
